Dil mein nashtar sa chubho dene ko ji chahta hai
daaman-e-zabt bhigo dene ko ji chahta hai
itna tanhaa hoon k ro dene ko ji chahta hai
saans ki dor salamat hai abhi tak shayad
ab ye ahsaas bhi kho dene ko ji chahta hai
ek gumnam musafir ki tarah chupke se
khud ko is bheerr mein kho dene ko ji chahta hai
ik rida khaak ki har dukh se dila de gi nijaat
khud ko matti mein simoo dene ko ji chahta hai
dard aissa hai k marhum k bajaaye Sajid
dil mein nashtar sa chubho dene ko ji chahta hai
_____________________
No comments:
Post a Comment